«Ноттингем Форест» клуби ва Шотландия терма жамоасининг 19 ёшли яримҳимоячиси Оливер Бёрк Европанинг етакчи клублари нигоҳига тушди.
Чемпионшип вакили сафида тўп сураётган футболчи ёрқин ўйини билан барчани ўзига ром этмоқда. Бёркнинг ҳаракатлари ёш Гарет Бэйлни эслатмоқда.
«Бавария» футболчи билан ҳозирданоқ шартнома имзоламоқчи ва унинг трансфери учун 10 миллион фунт таклиф қилмоқда. «Барселона» скаутлари Бёркнинг ҳар бир ўйинини кузатиб боришмоқда. Жозе Моуриньо ҳам ўз навбатида футболчини «МЮ» сафига олиб келмоқчи. У ҳам 10 миллион фунтдан воз кечишга тайёр турибди.
Бёрк айни дамда доимий ўйин амалиётига эга бўлиш учун жамоасини ўзгартирмоқчи эмас. Чемпионшипнинг янги мавсумида у 5 ўйинда 4 гол уришга муваффақ бўлган.
