«Манчестер Сити» бош мураббийи Хосеп Гвардиола ҳужумчи Серхио Агуэрони дисквалификация қилиниши мумкинлиги борасида ўз фикрини билдирди. «Вест Хэм»га қарши ўйинда у Уинстон Ридни тирсаги билан урган, ҳакам эса буни пайқамай қолганди.
«Мен бу ерда янгиман. Қоида бўйича нима қилинишини билмайман. Вазиятни кўрганим йўқ, шунинг учун унга баҳо беролмайман. Ҳеч нарса бўлмайди деган умиддаман. Агар бу тўғрида салбий қарор қабул қилинса, уни қабул қиламиз ва шунга қараб иш тутамиз. Аугэросиз қолсак, қолаверамиз. Барибир майдонга 11 футболчини тушираман» - деди Гвардиола.
