«Ман Сити» клубининг 19 ёшли яримҳимоячиси Берсант Целина учун бу ҳафта воқеаларга бой бўлди.
Олдинига у «Твенте» клубига ижарага бериб юборилди, сўнгра панжара ортига тушиб қолди, деб хабар бермоқда Manchester Evening News.
Гап шундаки, Целина дугонаси билан жанжаллашиб қолган ва спиртли ичимлик истеъмол қилгани ҳолда «Мерседес» рулига ўтириб, жўнаб кетган.
Қиз уни кетидан пойлаб бориб, полицияга хабар берган. Посбонлар уни ҳибсга олиб, қонини текширишганда 1,2 промилле алкоголни аниқлашган.
Натижада у транспорт воситасини бошқариш ҳуқуқидан 12 ойга маҳрум қилиниб, 3 минг фунт жаримага тортилган.