28 августдан яна машғулотларга киришган "Локомотив" футболчиларининг бўлажак учрашувларга тайёргарлиги давом этмоқда. Жамоа вакиллари ҳозирда машғулотларни "Локомотив" стадионида олиб боришмоқда.

Кечаги машғулот ҳам доимгидек қизиқарли ўтди. Хабарингиз бор, 13 сентябрь куни "Локомотив"ни Осиё чемпионлар лигаси чорак финал доирасида жуда жиддий баҳс кутиб турибди. "Темирйўлчилар" "Бунёдкор" стадионида "Ал-Айн" (БАА) клубига қарши майдонга тушишади. Биринчи ўйинда 0:0 ҳисоби қайд этилганини инобатга олсак, жавоб учрашувида бизни фақат ва фақат ғалаба қониқтиради.

Унга эса "Локо" ўз майдонида "Шўртан"га қарши баҳс олиб боради. Бу ўйин 9 сентябрь куни бўлиб ўтади. Жамоа 1-9 сентябрь оралиғида ўртоқлик учрашуви ўтказмайди. Бу ҳақда мураббийлар штаби хабар беришди.