15 сентябрда Ҳиндистоннинг Гоа шаҳрида старт оладиган ўсмирлар ўртасидаги Осиё чемпионатига тайёргарлик кўраётган Ўзбекистон U-16 терма жамоаси Словакияга қарши иккинчи ўртоқлик учаршувини ўтказди.

Бугун, 1 сентябрь куни бўлиб ўтган ушбу учрашув жамоаларнинг тенг курашлари остида ўтди. Жамоалар анча ҳужумкор ўйин намойиш этганига қарамай, учрашув 0:0 ҳисобидаги дуранг натижа билан якун топди.

30 август куни бўлиб ўтган Словакия ўсмирларига қарши дастлабки ўртоқлик учаршувида ҳам Темур Олимхўжаев бошчилигидаги Ўзбекистон ўсмирлар терма жамоаси дуранг натижа (1:1) қайд этганди.

Ўзбекистон U-16 терма жамоаси Словакиядаги йиғинини эртага якунлайди ва 3 сентябрь куни Тошкентга қайтиб келади.

Тошкентда бир ҳафталик якуний йиғин ўтказилади ва 9 сентябрь куни жамоа Ҳиндистонга йўл олади.

Эслатиб ўтамиз, Ўзбекистон ўсмирлар терма жамоаси Осиё чемпионати финал босқичида КХДР, Таиланд ҳамда Яман ўсмирлар терма жамоалари билан бир гуруҳдан ўрин олган.