Қозоғистон терма жамоаси бош мураббийи Талгат Байсуфинов ЖЧ-2018 саралашида Польшага (2:2) қарши ўйиндан сўнг ўз фикрларини баён қилди.
«Қозоқ миллати номидан йигитларга миннатдорчилик билдирдим. Иккинчи бўлимда улар ажойиб ўйин намойиш қилишди. Бир томондан натижадан кўнглим тўлди, Польша билан дуранг ажойиб натижа, бироқ бошқа томондан биз икки очко йўқотдик.
Ғалаба учун ўйнаймиз дегандим, шундай бўлиб ҳам чиқди. Ҳисоб 0:2 бўлишига қарамасдан, бир дақиқа ҳам умидни йўқотмадик. Ўйинимиз ҳаммага ёқди деб ўйлайман» - деди Байсуфинов.
