Германия терма жамоасининг собиқ дарвозабони Йенс Леманн бош мураббий Йоахим Лёвни танқид остига олди. Унга Мануэль Нойерни сардор қилиб тайинланиши ёқмади.
«Амалий вазиятлардан келиб чиққан ҳолда, дарвозабоннинг сардор бўлиши нотўғри иш. Сардорнинг вазифаларидан бири ҳакам билан у ёки бу вазиятларни муҳокама қилишдир. Дарвозабон эса буни амалга оширишга қийналади, чунки у дарвозада туриши керак. Майдоннинг исталган жойига югуриб бора олмайди. Нойер сардор бўлишга лойиқ, аммо амалий жиҳатдан бу қарор нотўғри» - деди Леманн tz хабарида.