Украина терма жамоасининг бош мураббийи Андрей Шевченко ЖЧ-2018 саралашидан ўрин олган Исландияга (1:1) қарши ўйиндан сўнг ўз фикрларини баён қилди.
«Салбий ҳолатга қараганда, ижобий ҳолат кўпроқ бўлди. Афсуски ўз дарвозамиз даҳлсизлигини сақлаб қололмадик. Ўйинимиздан мамнунман, ғалабага яқинроқ эдик. Амалга оширилмаган пенальтини инобатга оладиган бўлсак, икки очко йўқотдик. Исландия – жиддий рақиб, дуранг ҳам ёмон натижа эмас. Кейинги учрашувларда янада яхшироқ ўйин намойиш этишга ҳаракат қиламиз. Буни уддалай оламиз» - деди Шевченко.
Эслатиб ўтамиз, ўйиннинг 78-дақиқасида Коноплянка пенальтини амалга ошира олмаган эди.
