Хабарингиз бор, бугун Доха шаҳрида ЖЧ-2018 саралаши доирасида Қатар ҳамда Ўзбекистон миллий терма жамоалари ўзаро майдонга тушишади.

Эътиборлиси, бугун майдонга тушиши мумкин бўлган футболчиларимиз орасида фақатгина жамоамиз сардори Одил АхмедовҚатар дарвозасига икки маротаба йўл топа олган.

У дастлаб, 2011 йилги Осиё кубогида Қатар дарвозасини ишғол этган ва бу фантастик голни ҳеч бир мухлис ёдидан чиқармаган бўлса керак. Кейинчалик, бу иккала терма жамоанинг йўллари Бразилия – 2014 саралашида кесишди. Тошкентдаги “Бунёдкор” стадионида бўлиб ўтган учрашувда ҳам Одил ўз ҳисобига гол ёздириб қўйди. Шу тариқа у бугун майдонда ҳаракат қилиши мумкин бўлган футболчиларимиз орасида Қатар дарвозасини энг кўп ишғол этган футболчига айланди.

Шунингдек, бугун майдонда ҳаракат қилиши мумкин бўлган футболчиларимиз орасида Сервер Жепаровҳамда Санжар Турсунов каби футболчиларимиз ҳам қатарликлар дарвозасига йўл топа олишган.

Нима бўлганда ҳам бугун футболчиларимизга омад ёр бўлишини тилаб қоламиз. Олға йигитлар, олға Ўзбекистон!