Нидерландия терма жамоасининг бош мураббийи Данни Блинд ЖЧ-2018 саралашидан ўрин олган Швецияга (1:1) қарши ўйиндан сўнг ўз фикрларини баён қилди. Ўйиннинг сўнгги дақиқасида Бас Дост гол уриб, жамоасига ғалаба келтириши мумкин эди, бироқ ҳакам негадир унинг голини ҳисобга олмади.
«Ҳакам Достнинг голини жуда яхши кўриб турди. Бироқ тоза голни ҳисобламаслик ақл бовар қилмас иш. Дост гол урган вазиятда қандай қоидабузарлик борлигини мен ҳам тушунмадим. Биз ғалаба қозонишимиз шарт эди, аммо ғалабани биздан тортиб олишди», – деди Блинд.
