Аёллар ўртасидаги биринчи ярим финал дунёнинг биринчи ракеткаси Серена Уилямс ҳамда чехиялик Каролина Плишкова ўртасида кечди. Кўпчилик кутган воқеа юз бермади. Ҳаммани ҳайрон қолдириб Плишкова икки сет якунига кўра 6:2, 7:6 ҳисобида ғалаба қозонди.
Плишкованинг финалдаги рақиби Анжелика Кербер бўлади. Германиялик теннисчи ярим финалда Дания вакили Каролин Вазнятски билан учрашди ва 6:4, 6:3 ҳисобида ғалабага эришди. Демак, US Open - 2016 баҳсларининг аёллар ўртасидаги финали Каролина Плишкова – Анжелика Кербер ўртасида кечади.
Эркаклар ўртасидаги беллашувларда эса финалчилар номи Гаэл Монфис – Новак Джокович ҳамда Станислас Вавринка – Кей Нисикори ўртасидаги икки ярим финал ўйини ўз якунига етгач маълум бўлади.
