«Барселона» бош мураббийи Луис Энрике «Реал» ва «Атлетико» клубларига ФИФА томонидан қўйилган тақиқ ҳақида ўз фикрини баён қилди. Эслатиб ўтамиз, ҳар иккала клуб 2018 йилгача янги футболчиларни харид қилишдан маҳрум қилинган, худди шундай жазо аввалроқ «Барселона»га нисбатан ҳам қўлланган эди.
«Барселона»га қўйилган тақиқ ҳақида нима деганим эсимда йўқ. Ўшанда чемпион бўлгандик. Балки бу иш ноҳақ бўлганини айтгандирман? «Реал» ва «Атлетико» билан боғлиқ вазиятда ҳам шу фикримда қоламан. «Атлетико» ва «Реал» ҳамон кучлидир. Энди улар ўзида мавжуд бўлган футболчилардан жамоа тузишга мажбур бўлишади. Буни қабул қилишдан бошқа чора йўқ» - деди Энрике Goal хабарида.