«Барселона» ҳужумчиси Лионель Месси Испания чемпионатининг учинчи турида майдонга тушиши мумкин, деб хабар бермоқда клуб матбуот хизмати.
Маълумотга кўра, Месси тўлиқ соғайган ва майдонга тушишга тайёр. Бош мураббий Луис Энрике эса футболчини «Алавес»га қарши ўйин заявкасига киритган.
Шунингдек рўйхатдан Андрес Иньеста ва Жереми Матьё ҳам жой олган, бироқ Андре Гомеш, Херард Пике ва Серхи Роберто бош мураббий қарорига кўра, ўйинни ўтказиб юборишади. Луис Энрике ушбу футболчиларга Чемпионлар лигасидан ўрин олган «Селтик»ка қарши ўйиндан олдин дам беришга қарор қилган.