Кеча Ўзбекистон Биринчилигида 25-тур учрашувларига старт берилди.
Ҳаққулободдаги "Шодлик" ўйингоҳида "Норин" жамоаси Фарғона вилоятининг "Ёзёвон-Лочинлари" жамоаси билан беллашди. Қизиқарли кечган учрашувда Вали Келдиев шогирдлари 6:1 ҳисобида зафар қучди! Ушбу мавсумда кечаги учрашувгача "Норин" шундай ҳисобда ғалаба қозонмаган бўлса, ёзёвонликлар эса бундай йирик мағлубиятга учрашмаганди.
«Норин» (Ҳаққулобод) – «Ёзёвон-Лочинлари» (Ёзёвон) – 6:1. 2216 томошабин.
Ҳакамлар: Д. Акмалов (Тошкент)- 8,5, А. Маражабов (Андижон) – 9,0, А. Жўрахонов (Андижон) – 8,3, А. Жабборов - 9
Назоратчи: М. Исмоилов (Тошкент).
Голлар: Ш. Ёқубжонов (2), Ш. Достонов (41, 73, 90+1), Р. Аъзамов (44), В. Абдумажидов (88) – Ш. Абдураҳмонов (71).
Огоҳлантиришлар: С. Сафаров (90) – Б. Абдуманнонов (2), А. Жўрабоев (62).
ЎЙИНДАН КЕЙИНГИ ФИКР
Вали КЕЛДИЕВ: "Учрашувда йирик ҳисобда ғалаба қозонишимизни очиғи кутмаганди. Йигитларга раҳмат, барчалари ўз ишларини яхши бажаришди. Олдинда бизни жуда қийин учрашув кутиб турибди. 15 сентябрь куни ўз майдонимизда "Цементчи" билан учрашамиз. Ушбу баҳс кўп нарсаларга ойдинлик киритиб беради. Ўйлайманки, кейинги учрашувда ҳам жамоамиз худди бугунгидек ўйин кўрсатишиб, мухлисларни хушнуд этишади".
