УЕФА президентлигига номзодлардан бири Александр Чеферин Чемпионлар лигасининг ислоҳотини, яъни тўртта мамлакат клубларига гуруҳ босқичида кафолатланган тўртта ўрин ажратилишини танқид остига олди.
Чефериннинг гапига кўра, УЕФА Англия, Испания, Италия ва Германиянинг етакчи клубларининг хоҳишига қулоқ солган.
«Ислоҳот ҳеч кимдан сўралмасдан амалга оширилди. Бу нафақат мени, балки УЕФАнинг 55 аъзосини ҳам ранжитди» - деди у. Шу билан бирга Чеферин топ-клублар томонидан Суперлигани ташкил этиш лойиҳасига ўз фикрини билдириб, «бу клублар ва УЕФА орасида уруш келиб чиқишига сабаб бўларди» деди.
