«Барселона» бош мураббийи Луис Энрике «Селтик»га қарши бўлиб ўтган учрашувдан (7:0) кейин ўз фикрлари билан ўртоқлашди. У каталонияликлар футболчиси Лионель Месси шаънига илиқ фикрлар билдириб ўтди.
«Месси – барча замонларнинг энг яхши футболчиси. Нима учун? Боиси, у майдоннинг ҳар қандай позициясида ўйнаши мумкин ва шу билан биргаликда, ўз позициясида жаҳоннинг энг яхши футболчисига айланади. У майдон марказида ҳам, ҳужумда ҳам энг зўри. Сабаби, у майдонда эркин ролни жуда яхши бажаради. Агар унинг ҳаракатларини чеклаб қўйсам, тўғри иш қилмаган бўлардим. Ахир у 40 метрдан шерикларига аниқ узатма беради», — дейди Энрике.
Эслатиб ўтамиз, Лионель Месси "Селтик" дарвозасига 3та гол уриб, битта голга ҳаммуаллифлик қилди.
