ПСВ бош мураббийи Филип Коку Чемпионлар лигасидан ўрин олган «Атлетико» (0:1) клубига қарши ўйин ҳақида ўз фикрлари билан ўртоқлашди.
«Ўйиннинг бошида ҳакам голимизни инобатга олмади. Нега? Биз вазиятини кўриб чиқдик, аммо қоида бузилишини топмадик. Балки шунинг учун ҳам бизга пенальти қўйиб беришгандир, гўё ўша вазиятдаги хато туфайли узр сўрагандек.
«Атлетико» клубига қарши ўйнаш жуда оғир, биз эса яратилган вазиятлардан унумли фойдаланмадик. Ҳақиқатни тан олиш керак. Ўз майдонимизда учралган мағлубиятдан сўнг гуруҳдан чиқиш вазифаси мушкуллашди. Бироқ ҳали ҳеч нарса йўқотилмади» - деди Коку Voetbal International хабарида.