ЦСКА бош мураббийи Леонид Слуцкий Чемпионлар лигаси гуруҳ босқичидан ўрин олган «Байер» (2:2) клубига қарши ўйиндан сўнг ўз фикрларини баён қилди.

«Дастлабки дақиқаларда тезкор голларни ўтказиб юбордик, бу жуда ёмон. Чемпионлар лигаси ўйинларининг тезлигига мослашиб кетиш учун вақт керак бўлади. Бизга кўникиб олиш учун 15 дақиқа етарли бўлди. Иккинчи бўлимда эса «Байер»га ҳеч нарсада енгилмадик.

Дуранг яхши натижа бўлди. «Байер» - ҳужумкор ўйин намойиш этувчи, кучли жамоа. У бизни қарши ҳужумларда пойлаб ўйнади. Гуруҳимиз текис, яққол ажралиб турадиган жамоа йўқ. Кейинги ўйинларда вазиятни яхшилашга ҳаракат қиламиз» - деди Слукций.