«Севилья» бош мураббийи Хорхе Сампаоли Чемпионлар лигаси гуруҳ босқичидан ўрин олган «Ювентус» (0:0) клубига қарши ўйиндан сўнг ўз фикрларини баён қилди.

«Биз яхши прессинг қилиб, «Ювентус»ни тўхтата олдик. Баъзан жуда қийналдик, бироқ мен натижадан мамнунман.

Жамоалар орасида фарқ кўрмадим, биз «Ювентус» билан бир савияда, тенг ўйнадик.

Дарвозабон Рико ўйинда жуда яхши ҳаракат қилди, якунда эса жуда зўр сэйвни амалга оширди.

Туриндан очко билан кетиш – биз учун ажойиб натижа. Ҳали ўйинлар кўп, бу натижа бизга руҳий устунлик беради» - деди Сампаоли.