Бугун ФИФА терма жамоаларнинг навбатдаги рейтингини эълон қилди. Унга кўра, Ўзбекистон терма жамоаси ўтган ойга нисбатан 6 поғона юқорига кўтарилиб, 49-ўринга жойлашди.
Маълумки, ФИФА рейтингида ҳар бир терма жамоа расмий ўйинларда қўлга киритган натижалари асосида балл тўплаб боради. Ана шу балларнинг йиғинидиси асосида рейтинг жадвали шакллантирилади.
Ўзбекистон терма жамоаси жорий мавсумда 8та расмий ўйин ўтказиб, унда 7 марта ғалаба қозонди ва фақат 1 марта мағлубиятга учради. Бу натижалар терма жамоамизга ФИФА рейтинги учун 388,41 балл тўплаш имконини берди. Бу эса Осиёда энг юқори кўрсаткич бўлди.
Жорий мавсумда, Осиёда ФИФА рейтинги учун энг кўп балл тўплаган терма жамоалар:
Ўзбекистон – 388,41
Саудия Арабистони – 384,89
Австралия – 367,37
Жанубий Корея – 358,31
Эрон – 354,88
Япония – 294,64
