«Уотфорд» бош мураббийи Вальтер Мадзарри «Манчестер Юнайтед» ҳужумчиси Златан Иброҳимович ҳақида ўз фикрини баён қилди.
«Иброҳимович ўлмас, абадий футболчилар қаторига киради. Жамоаларим унга қарши жуда кўп марта ўйнаб, мағлуб бўлган. У майдонда ҳал қилувчи ролни бажара олади.
Иброҳимович – ҳар томонлама мукаммал футболчи. Унга қаршилик кўрсатишга ҳаракат қиламиз. Бундай футболчиларни имкониятини бироз чеклаш мумкин, аммо бутунлай ўйиндан чиқаришнинг иложи йўқ» - деди италиялик мутахассис.
Эслатиб ўтамиз, АПЛнинг навбатдаги турида «Уотфорд» «МЮ» клуби билан ўйнайди.
