«Атлетико» бош мураббийи Диего Симеоне Мадрид клуби билан амалдаги шартнома муддатини қисқартириш борасида келишиб олганини тасдиқлади.
2015 йил мартида аргентиналик мутахассис «Атлетико» билан 2019/20 йилги мавсум якунига қадар мўлжалланган битим имзолаган эди. Энди эса шартнома муддати қисқартирилган ва Симеоне 2018 йил ёзида жамоани тарк этиши мумкин.
«Ҳа, бу ҳақиқат, бироқ бу билан ҳеч нарса ўзгариб қолмайди. Ҳаммаси жойида, мен бу ерда ўзимни бахтиёр сезяпман. Яқин икки йил давомида биз шартномани узайтиришимиз ҳам мумкин», — дея қўшимча қилди Диего Симеоне.
