«Манчестер Сити» бош мураббийи Хосеп Гвардиола жамоа ҳужумчиси Серхио Агуэро клуб билан шартномасини узайтиргани ҳақидаги хабарларга муносабат билдирди.
«Менимча, бу ҳақда мендан сўраш керак эмас. Ўйлашимча, у ҳақиқатан ҳам шартномасини узайтиради, бироқ бу расмий тасдиқланган ахборот пайдо бўлганидан сўнг аниқ бўлади», — деди Гвардиола.
«Яна такрорлайман, менда бундай ахборот йўқ. Саймон («Сити» матбуот котиби), балки сен нимадир биларсан, а?», — деди «Манчестер Сити» бош мураббийи.
«Агуэро яхши ўйинчи, шундай эмасми? Агар у клубда қоладиган бўлса, мен ҳар қанақасига бундан қониқиш ҳосил қиламан», — дея қўшимча қилди Гвардиола.
Аввалроқ Агуэро инглиз клуби билан шартномасини 2020 йилга қадар узайтиргани ҳақида хабарлар пайдо бўлган эди, бироқ бу ҳали расман тасдиқланганича йўқ.
