«Арсенал» бош мураббийи Арсен Венгер АПЛ 5-тури доирасида 17 сентабрь куни «Халл Сити»га қарши, Лига Кубоги доирасида 20 сентабрь куни «Ноттингем Форест»га қарши ўйинларда майдонга тушишга тайёр футболчилар ҳақида фикр билдирди. 

«Рэмзи? Унинг жароҳати қайталанмаслиги учун, у билан эҳтиёткорлик билан муносабатда бўлмоқдамиз. «Ноттингем Форест»га қарши ўйинда майдонга тушиш — Аарон учун ҳали эрталик қилади», — деди Венгер. 

«Чех «Халл»га қарши ўйинда қатнашади. Жиру сешанба куни «ПСЖ»г қарши ўйинда зарба қабул қилди, у тайёр бўлмаслиги мумкин. Муаммо унинг оёғидаги катта бармоқда. Бу масалада шифокорларимиз билан ҳали гаплашганим йўқ», — деди Венгер. 

«Габриэл Паулиста одатдаги тартибда машғулотларга қайтди. «Халл»га қарши ўйин қайдномасига кира олмаса ҳам, «Ноттингем Форест»га қарши ўйинда майдонга тушиши мумкин», — дея қўшимча қилди Венгер.