«Атлетико» бош мураббийи Диего Симеоне Испания чемпионатининг 4-туридан ўрин олган «Спортинг» (5:0) клубига қарши ўйиндан сўнг ўз фикрларини маълум қилди.
«Ҳисоб 2:0 бўлганида ҳам ўйин натижасидан ташвишда эдим, чунки «Спортинг» бизга жиддий қаршилик кўрсата оладиган клуб. Ўйинни яхши бошладик. Гамейро ажойиб ўйнади, ҳар бир тўп учун курашиб, вазиятларни яратди ва чиройли гол урди.
Гризманн эса аъло даражада ҳаракат қилди. Шубҳасиз, у ўтган мавсумда Европанинг энг яхши футболчиси бўлди. У чемпионатда жуда кўп гол урмоқда, ўйини эса юксалмоқда. Умид қиламанки, Гризманн «Олтин тўп» даъвогарлари рўйхатига киритилади. Унинг келажаги ёрқин» - деди Симеоне.
