Сочида «Олимпиада соати» ўрнида 2018 йили Россияда ўтадиган футбол бўйича жаҳон чемпионатигача қолган кун, соат ва дақиқаларни тескари тартибда ҳисоблайдиган хронометр ўрнатилди. Бу ҳақда «ТАСС» хабар бермоқда.
Олдинроқ шундай соатлар Москва ва Санкт-Петербургда ишга туширилганди.
«2011 йил май ойида, Сочи денгиз вокзали олдидаги хиёбонда Олимпиада бошланишига қолган минг кунни санайдиган соатни ишга туширгандик. Энди бўлса бизда 2018 йили бўлиб ўтадиган сайёранинг асосий футбол байрамигача қолган вақтни ҳисоблаймиз. Олимпиада пойтахти бўлган Сочи ўйинлар юқори савияда ўтиши ва бундай чемпионатлар тарихидаги энг аълоси бўлиб қолиши учун бор имкониятини ишга солади», — ваъда берди шаҳар мэри Анатолий Пахомов.
Маълумот учун, футбол бўйича 2018 йилги жаҳон чемпионати Россиянинг 11 шаҳри, шу жумладан, Сочида бўлиб ўтади. Шаҳарда гуруҳ босқичининг тўртта ўйини, шунингдек, 1/8 ва 1/4 финал учрашувлари ўтказилиши кўзда тутилган.
