«Эвертон» бош мураббийи Роналд Куман АПЛ 5-туридан ўрин олган «Мидлсбро» (3:1) клубига қарши ўйиндан кейин ўз фикрларини баён қилди.
«Дастлаб ҳаракатларимиз қовушмади. Футболчилар ўйинга мослашиб кетишда қийналишди. Натижада яхши ҳужумларни ташкил қилолмадик. Автогол ўйинимизни умуман ўзгартирди. Кетма-кет гол ургач, «Эвертон» футболчилари ўзларига бўлган ишончни оширишди. Кейинги ўйинларда ҳам яхши натижа қайд қилишга ҳаракат қиламиз» - деди Куман Sports.ru хабарида.
Эслатиб ўтамиз, «Эвертон» бирор марта мағлуб бўлмасдан, премьер-лига пешқадамлари сафида бормоқда.
