«Уотфорд» бош мураббийи Вальтер Мадзарри Англия чемпионатидан ўрин олган «Манчестер Юнайтед» (3:1) клубига қарши ўйиндан сўнг ўз фикрларини баён қилди.
«Биз яхши ўйнадик, бироқ гол ўтказиб юборгач тўхтаб қолдик. Шундан сўнг футболчиларни алмаштирдим, бу эса ўзини оқлади. Ҳали қиладиган ишларимиз кўплиги кўриниб турибди.
Биринчи гол урилган вазиятга изоҳ бермайман. Мен ҳам аввал ҳакамларнинг хатосидан кўп жафо чекканман. Бу ҳақда гапириш фойдасиз» - деди Мадзарри.
Эслатиб ўтамиз, 34 дақиқада «МЮ» ҳужумчиси Антони Марсиал рақиб ўйинчиси Мигел Бритос билан тўқнашиб кетган, бош ҳакам бу вазиятда қоида бузилмаганини кўрсатган, натижада «Уотфорд» ҳужумни давом эттириб гол урганди.
