“Севинч” жамомиз 15 сентябрь куни XXII Ўзбекистон чемпионатининг 12-турининг қолдирилган учрашувини Ғузорнинг “Шўртан Lady” жамоаси билан ва XV Ўзбекистон Кубоги чорак финали дастлабки учрашувини ҳам ушбу жамоага қарши ўтказди.
15 сентябр куни бўлиб ўтган учрашувда жамоамиз ўйинда ҳам, ҳисобда яққол устунликка эришди. Учрашув 7:0 ҳисобида жамоамизнинг ғалабаси билан якунланди.
Учрашувдаги голларга Феруза Турдибоева (2), Зебо Жўраева, Зумрат Назарова, Маҳлиё Сарикова ва Малика Бурхановалар муаллифлик қилишди.
Ушбу ғалабадан кейин жамоамизнинг тўпплаган очколари сони 36тага етди ва чемпионат турнир жадвалида яққол пешқадамлик қилмоқда. Шуниси эътиборлиги шу пайтгача жамоамиз ўтказган 12 учрашувда ҳам фақат ғалабага эришган.
Жамоамиз 21 сентябр куни чемпионатнинг навбатдаги 14-тур учрашувини ҳам ўз майдонида ўтказади. Бу учрашув муборакнинг “Машъал W” жамоаси билан бўлади.
Шунингдек жамоамиз 17 сентябр куни XV Ўзбекистон Кубоги чорак финали дастлабки учрашувида ҳам майдонга тушди. Бу учрашувда ҳам жамоамиз ғалаба қозонди, футболчиларимиз бу учрашувда “Шўртан Lady” жамоаси дарвозасига жавобсиз 4та гол киритишга эришди. Учрашувда Зумрат Назарова (2), Зебо Жўраева ва Феруза Турдибоевалар ўз ҳисобларига голлар ёздириб қўйишди. Бу билан футболчи қизларимиз бу йилги кубок баҳсларининг ярим финали тақдирини ўз фойдаларига деярли ҳал қилиб қўйишди.
Чорак финали жавоб учрашуви 19 сентябр куни Ғузорда бўлиб ўтади. Учрашув соат 16:30да бошланади.
