«Монако» бош мураббийи Леонарду Жардимнинг қайд этишича, жамоа ҳужумчиси Радамель Фалькао ҳали тўла спорт формасини тиклаб улгурмаган бўлса-да, «Ницца»га қарши 21 сентябрь куни бўладиган Франция чемпионати 6-тур учрашувида асосий таркибда майдонга тушади. 

«Фалькаонинг 100 фоизга тайёр эмаслиги нормал ҳолат, чунки у бир ой давомида футбол ўйнагани йўқ. У ўз даражасига қайтиши учун кўпроқ ўйнаши керак», — деди Жардим. 

«У 90 дақиқа давомида тўп суришга тайёрми-йўқми, билмадим. Кўрамиз, нима бўларкин, агар Радамель ўзини алмаштиришларига зарурат сезса, ўрнига бошқа футболчини туширамиз», — деди «Монако» устози.