Миланнинг «Интер» клуби келаси ҳафта ҳужумчи Мауро Икарди билан шартномани узайтирганини расман эълон қилиши мумкин. Томонлар бу борада дастлабки келишувга эришган.
Football Italia маълумотларига кўра, 23 ёшли аргентиналик футболчининг йиллик маоши 5,5 миллион еврони ташкил этади, уни бошқа клуб камида 100 миллион еврога сотиб олиши мумкинлиги белгилаб қўйилган.
Айни вақтда, янги шартномага мувофиқ, Икардида «Интер»дан Италиянинг бошқа бир клубига ўтиш ҳуқуқи бўлмайди.
Икарди Италия «А» Сериясининг ўтган мавсумида 33 учрашувда 16 та гол урган эди, жорий мавсум эса 4 учрашувда 4 та гол урди.
