«Валенсия» клубининг собиқ бош мураббийи Пако Айестаран мавсумнинг дастлабки тўртта ўйинида мағлубиятга учрашига қарамасдан, ишдан бўшатилиши ҳақидаги қарор нотўғри бўлганини айтди.
«Мен ўзимга ишонаман. Ишдан бўшатилишим адолатдан эмас. Вазиятни ўзгартириш учун ўзимда куч борлигини сезяпман, аммо клуб бошқача ўйлади.
Жудаям хафаман. Ҳозир йўл қўйган хатоларни таҳлил қилиб, уларни келажакда такрормасликка ҳаракат қилишим лозим. Қисқа вақт ишлаган бўлсам-да, яхши тажриба орттирдим. Афсуски, олдимизга қўйилган мақсадларга эриша олмадик» - деди Айестаран Goal хабарида.