«Барселона» собиқ ҳимоячиси Эрик Абидаль каталонияликлар сафига ёзда қўшилган футболчилардан бири — Самюэль Умтити ҳақида фикр билдирди.
«Умтити мендан кўра анча кучли. У «Барселона» учун қора танли Беккенбауэрнинг ўзгинаси», — деди Абидаль.
«Клуб фалсафаси, жамоа менталитетини ўрганиб олиш учун унга жуда кам вақт керак бўлди. Мен бўлса бунга ярим йилча вақт сарфлагандим», — деди Абидаль.
«Умтити хотиржам, тўпни яхши назорат қилади ва ҳар қандай юкламага чидамли», — дея қўшимча қилди «Барселона» собиқ футболчиси Эрик Абидаль.
