“Бунёдкор” – “Қўқон-1912” (3:0) учрашувидан сўнг ўтказилган матбуот анжуманининг биринчи қисмида жамоамиз устози Нўъмон Ҳасанов иштирок этди.

– Бугун икки хил тайм гувоҳи бўлдик. Иккинчи бўлимдаги ҳаракатларимиз чакки чиқмади.  “Бунёдкор”дан фарқли равишда биз гол ура олмадик. Бугун асосий таркибдаги 5 нафар футболчини туширмадик. “Бунёдкор”нинг қандай кучга эга эканлигини айтиб ўтиш шарт бўлмаса керак.

Кеча Маматхўжаев ўринбосарлар сафида ўзини кўрсатган эди. Сидиқов кичик жароҳат олгач уни алмаштиришга мажбур бўлдим.

Рибкин  амалиетисиз анча вақт қолиб кетди. Унга бироз қақт керак. Биринчи ва учинчи голда у хато қилди. Умид қиламан у ўзини кейинги ўйинларда кўрсатади.