Миллий чемпионатимизнинг 23-туридан ўрин олган “Сўғдиёна” – “Шўртан” учрашуви олдидан, ушбу ўйин ҳақидаги фикрларини “оқ бўрилар” таркибига жорий мавсумнинг иккинчи даврасидан келиб қўшилган ва жамоада ўз ўрнини ҳамда ўйинини топа олган ҳимоячимиз - Вусал Магеррамов қуйидагича изоҳлаб ўтди.
Ҳар бир ўйинга рақибимизни ўрганиб чиққан ҳолда муносиб тайёргарлик кўришга ҳаракат қиламиз. Рақибларимизни кучли ёки кучсиз жамоага ажратмасдан ҳар ўйинга фақат ижобий натижани қўлга киритиш учун майдонга тушамиз. Тўғри, маълум муддат Жиззахликлар таркибида ҳам бўлганман ва бу жамоани яқиндан биламан деб айта оламан. “Суғдиёна”ни яхши шаклланган жамоалар қаторига қўшган бўлардим. Аммо, бугунги кунда мен “Шўртан” шарафини ҳимоя қилиб келмоқдаман ва ўз вазифамга сидқидилдан ёндашишга ҳаракат қиламан.
Ҳеч бир ўйин енгил кечмайди. Ҳаракат, хоҳиш, куч ва иродадан ташқари, ҳар бир спорт турида ОМАД деб аталувчи зарур бир тушунча бор. Бугун уша омад жамоамизни танлайди деб ният қиламан.
