Фарғона вилояти Кубогида финалчилар аниқланди. Фарғона футбол федерацияси томонидан ташкил этилган мазкур мусобақа олимпия тизимида ўтказилди. Бир ўйинда ғалаба қозонган жамоалар кейинги босқичга йўлланма олишди.

Кеча ярим финал баҳслари бўлиб ўтди.

Биринчи ярим финалда “Бешариқ” ва Рошидон ФК” жамоалари майдонга тушишди. Ўйин тенг куршалар остида бошланганига қарамай, биринчи бўлимда бешариқликлар учта гол киритишга муваффақ бўлишди. Иккинчи бўлимда таркибда бир қатор ўзгаришларни амалга оширган риштонликлар пенальтидан ҳисобни бироз қисқартиришди. Аммо иккинчи бўлим ўрталарига келиб майдон эгалари тўртинчи голга муаллифлик қилишди. Якуний ҳисоб – 4:1. “Бешариқ” финалга йўл олди.

Иккинчи ярим финал баҳси жуда қизиқарли тўс олди. “Истиқлол” стадионидаги сўнъий майдонда ўтказилган “Истиқлол” – “ФарДу” баҳсида бешта гол киритилди. Голларга бой бўлган баҳсда “Истиқлол” 3:2 ҳисобида ғалабага эришди ва финалга йўл олди.

Финал учрашуви 29 сентябрь куни бўлиб ўтади.

Аброр Деҳқонов