Англиянинг "Лестер" клуби ярим ҳимоячиси Марк Олбрайтон "Порту"га қарши ўтказилган учрашувдан кейинги тасуроотлари билан ўртоқлашди.
"Биз ўйин бошидаёқ катта куч билан олдинга ташландик, рақиб ўйинни "ўқиб" олишига йўл қўймадик, тўпни назорат қилишга бермадик ва керакли вазиятда гол киритдик.
Иккинчи бўлимда "Лестер" ўз дарвозасидан гол ўтказмасликка қодир эканлигини намойиш этди. Ўйин охирида "Порту" катта куч билан олдинга ташланишини билардик. Бироқ, биз уларнинг ҳужумларига дош бера олдик ва гол ўтказмадик. Олдинда яна 4 та оддий бўлмаган ўйинлар турибди, лекин, биз ЕЧЛни яхши бошлаб, иккита ғалабани қўлга киритдик ва ўз дарвозамиз даҳлсизлигини сақлаб турибмиз", - футболчининг сўзларидан иқтибос келтирмоқда УЕФА расмий сайти.
