"Бухоро” – “Бунёдкор” учрашувидан кейинги матбуот анжуманининг биринчи қисмида “қалдирғочлар” устози Сергей Лушчан қатнашди.

- Мухлисларга ёқадиган кескин ва муросасиз футбол гувоҳига айландик. Майдон эгалари бугун деярли 90 дақиқа бизни босим остида ушлаб туришди. Аввало гол ўтказмаганимиздан хурсандмиз. “Бухоро”да кўп голли вазият бўлди, ҳимоячиларимиз маҳорати эвазига дарвозамиз даҳлсизлиги сақланди. Бироқ ҳужум чизиғимиз ҳақида бугунги ўйин бўйича яхши фикр айтмаган бўлардим. Чунки бу каби учрашувларда яримта имкониятни голга айлантириш керак. Мен ҳозирги вазиятда очколарни санамаган бўлардим. Чунки ҳали яна бир қанча тур учрашувлари бор. Ҳозирги ҳолатда ҳар бир учрашувда ғалаба қозониш керак. Ана шунда йил охиридаги ҳисоб-китоблар пайтида ўзинг хоҳлаган ўринда турасан, - дейди Сергей Иванович.