“Насаф” – “Металлург” (3:0) учрашуви ниҳоялангач, мезбонлар сардори Шерзод Аъзамовдан ўйин ҳақидаги фикрлари билан ўртоқлашишни сўрадик.

-Ўзларингиз гувоҳи бўлдиларингиз, бугун ўйин жуда қийин бўлди. “Металлург” бизнинг жамоа учун ноқулай рақиб ҳисобланади. Ўзаро ўтган учрашувларда уларни мағлубиятга учрата олмай келаётган эдик. Бугун биз бу жамоа устидан узоқ кутилган ажойиб ғалабани қўлга киритдик. Бундан ҳаммамиз хурсандмиз.

Шунингдек бугунги учрашувда бизни фақат ғалаба қониқтирар эди. Жамоадошларимга раҳмат, ҳаммалари ҳамжиҳатлик билан ҳаракат қилишди. Мухлисларимизга ҳам катта раҳмат. Улар бугун ҳам бизни фаол қўллаб-қувватлаб туришди. “Насаф” уларга ғалаба туҳфа этишда давом этади.