Олий лиганинг 24-турида бўлиб ўтган ўйиндан сўнг қисқа муддатли таътилга чиққан "Локомотив" футболчилари бугундан яна машғулотларни бошлашди.

Бугунги машғулот "Локомотив" стадионида ўтказилди ва айни пайтда жамоа билан бирга бўлиб турган барча футболчилар иштирок этишди. Хабарингиз бор, миллий терма жамоамизнинг Жаҳон чемпионати саралаш босқичида иккита ўйин ўтказиши туфайли олий лигада танаффус юзага келган.

Танаффусдан унумли фойдаланиш мақсадида "Локомотив" 8 октябрь куни "Олмалиқ"қа қарши ўртоқлик учрашуви ўтказади. Бу ўйин қайси стадионда бўлиб ўтиши ва соат нечада бошланиши ҳақида кейинроқ маълумот берамиз.