Индинга Ўзбекистон миллий терма жамоаси Жаҳон чемпионати-2018 сўнгги саралаш раунди доирасида Эрон термасига қарши баҳс юритади. Айни пайтда Самвел Бабаян шогирдлари пойтахтимизда мазкур учрашувга ҳозирлик олиб бормоқда.

Бугун терма жамоамиз “Пахтакор” стадионида машғулот ўтказди. Машғулотнинг дастлабки 15 дақиқаси ОАВ вакиллари учун очиқ бўлди. Шу боисдан “Локомотив” матбуот хизмати бош жамоамизнинг машғулотини бевосита кузатиб борди.

Биласиз, терма жамоанинг ушбу йиғинида тўрт нафар “Темирйўлчи” иштирок этмоқда. Игнатий Нестеров, Ислом Тўхтахўжаев, Сервер Жепаров ҳамда Марат Бикмаев айни пайтда терма жамоа ихтиёрида бўлиб туришибди.

Машғулот жараёнида амин бўлдикки, терма жамоа сафида шуғулланаётган барчанинг кайфияти аъло даражада. Футболчилар олдиндаги муҳим ва жуда масъулиятли ўйинларга жиддий тарзда ҳозирлик олиб боришмоқда.

Умид қиламизки, терма жамоамиз дастлаб Эрон, сўнгра 11 октябрда Хитой термасини ҳам мағлуб этиб, мудиал-2018 сари дадил қадам ташлайди. Ишонамизки, бунда “Локо” вакиллари ҳам ўз муносиб хиссасини қўшишади!..