Олий лиганинг навбатдаги турида "Навбаҳор" ўз майдонида "Бухоро"ни қабул қилади. 

Айни пайтда "лочинлар" мусобақа жадвалида 22 очок билан 13-поғонани эгаллаб турибди. Қуйидаги уч жамоа имкон қадар "Навбаҳор"га яқинлашишга уринмоқда. Олдиндаги учрашувда Наманган жамоасини фақат ғалаба қаноатлантиради. Жамоа ҳужумчиси Абдумалик Абдуллаевнинг "Бухоро"га қарши учрашув олдидан фикрлари билан қизиқдик.

- Олдинда бизни ўта муҳим ҳамда қийин учрашув кутиб турибди, - деб гап бошлади форвард.

- "Бухоро" яхши шаклланган жамоа. Биринчи давра "Андижон"да сафида ўйнаб юрган кезларида Бухорода жуда қийин бўлганди ва жамоамиз йирик мағлубиятга учраганди. Тўғри, Бухорода бу жамоага қарши ўйнаш жуда мушкул. Лекин биз ўз майдонимизда ўйнаймиз. Сўнгги ўйинларда меҳмонда ҳам, ўз уйимизда ҳам очколарни бой бериб қўйдик. Энди йўқотилган очколарни қоплашимиз лозим. Шу ўринда мухлисларимизни яна ўйингоҳга чорлаб қолардим. Наманганда яна иккита ўйинимиз қолди, холос. Шу боис икки учрашувда ҳам максимал натижага эришишимиз шарт, акс ҳолда ўта қийин вазиятга тушиб қоламиз, - дейди Абдуллаев.