Хабарингиз бор, олий лиганинг 24-турида бўлиб ўтган ўйиндан сўнг қисқа муддатли таътилга чиққан "Локомотив" футболчилари 3 октябрдан яна машғулотларни бошлаб юборишган.
Бугун ҳам жамоа "Локомотив" стадионида машғулот ўтади. Таъкидлаш жоизки, бугун икки маҳал шуғулланилди. Дастлаб эрталабда асосан жисмоний машқлар бажарилган бўлса, кечки пайт ўйинчилар майдонда тўп билан ишлашди.
Айни пайтда Славен Степанович жароҳатини операция қилдириш учун ўз юртига жўнаб кетган. Шунингдек, Игнатий Нестеров, Ислом Тўхтахўжаев, Сервер Жепаров ҳамда Марат Бикмаев ҳозирда терма жамоа ихтиёрида бўлиб туришибди. Таркибдаги қолган барча машғулотларда иштирок этмоқда.
Бугунги машғулотда ҳам дастлаб енгил югуриб олинди. Сўнгра футболчилар Мирко Йеличич бошчилигида чигалёзди машқлари бажаришди. Кейин барча тўп билан муомала машқларини ўтади. Йигитларнинг барчасида кайфият яхши ва ҳамма машғулот жараёнида астойдил меҳнат қилаётганини алоҳида таъкидлаш жоиз.
Якунда эса икки таркибга бўлинган ҳолда қизиллар яшилларга қарши кичик ўйин ўтказишди. Унда яшиллар омадлироқ чиқиб, 3 та тўп фарқи билан ғалаба қозонишди.
