Эртага Олий лига 25-турида “Қўқон-1912” жамоаси Тошкентда “Локомотив” клуби меҳмони бўлади. Ушбу жамоаларнинг ўзаро ўйинлари ҳақида маълумот бериб ўтамиз.

Ўзаро ўйинлар

“Локомотив” ва “Қўқон-1912” клублари бундан олдин олий лигада  уч марта тўқнаш келишган.

Учрашувларининг иккитасида “Локомотив” ғалаба қозонган. Битта баҳсда дуранг натижа қайд этилган. Тўплар нисбати 6:3 “Локо” фойдасига.

Ўтган йили Тошкентдаги “Локомотив” стадионида бўлиб ўтган учрашувда Темурхўжа Абдухолиқовнинг урган ягона голи ўйин тақдирини ҳал қилганди – 1:0.

Қўқонда ўтказилган биринчи давра учрашувида эса “Темирйўлчилар” 3:1  ҳисобида ғалаба қозонишган.

Айтганча, ўтган йили 16 октябрь куни Қўқондаги бўлиб ўтган ўйинда 2:2 ҳисоби қайд этилган.

Ҳакамлар

“Локомотив” – “Қўқон-1912” жамоалари ўртасидаги учрашувни Ҳасан Рўзиев бошқариб боради.

Олий лига

25-тур

«Локомотив» (Тошкент) – «Қўқон-1912» (Қўқон)

Ҳакамлар: Ҳ. Рўзиев (Тошкент), О. Абдувосилов (Тошкент), С. Шоюсупов (Тошкент), Н. Қосимов (Қарши)

Назоратчи: Ш. Жумаев (Қарши).

ЎзПФЛ вакили: С. Ризаев.

Умуман олганда, Рўзиев бу  йил “Қўқон-1912” жамоаси иштирокидаги иккита баҳсни бошқариб борган. Қўқонда “Бухоро”га қарши ва Муборакда бўлиб ўтган “Машъал”га қарши кечган ўйинларни Рўзиев бошқарган.

Бошланиш вақтлари

Мазкур учрашув 14 октябрь  куни соат 17:00да бошланиш режалаштирилган.