Жорий мавсумдан Ўзбекистон Биринчилигида Наманган вилояти шарафини 3 та жамоа ҳимоя қилиб келмоқда.

"Косонсой" ва "Хотира-79"дан фарқли равишда Ҳаққулободнинг "Норин" жамоаси дебют мавсумдаёқ лига пешқадамлари сафидан жой олди. Иккинчи даврада жамоа жуда ишончли тарзда тўп сурмоқда ва ҳали Вали Келдиев бошқарувидаги жамоа мағлубият аламини тотиб кўргани йўқ, иккинчи даврада, албатта.

Сўнгги натижалар шуни кўрсатмоқдаки, "Норин" Олий лига йўлланмасини қўлга киритиши ҳам мумкин! Клуб мутасаддиларининг ҳам асосий мақсади - Олий лига! Ҳозирда Ҳаққулободликлар 29 учрашувда 62 очко жамғарган ҳолда 2-ўринни банд этган. 3-ўриндаги "Цементчи" ҳисобида 58 очко мавжуд. "Динамо" ҳисобида 70 очко бор ва албатта самарқандликлар 1-ўринни ҳеч кимга беришмайди - бу аниқ. 2-ўрин учун водийнинг икки жамоасини кураш олиб бормоқда.

"Норин" ва "Цементчи" жамоалари яна 6 та учрашув ўтказишади. Қолган учрашувларга назар ташлар эканмиз, Вали Келдиев жамоаси иккинчи ўринни эгаллаб, Олий лига учун плэй-оффда иштирок этишга қодир. Ҳеч бўлмаганда бир очко фарқи билан "Цементчи"ни ортда қолдириш имкони бор. Бу борада Вали Келдиев жамоасига омад тилаган ҳолда, ёқимли анъанани давом эттиришларига умид билдириб қоламиз!

"Норин" ва "Цементчи"нинг навбатдаги рақиблари:

32-тур
Хотира-79–Норин
33-тур
Норин – Зомин
Цементчи– Косонсой
34-тур
Норин – Динамо
Цементчи– Хотира-79
35-тур
Зомин – Цементчи
Машъал-2 – Норин
36-тур
Насаф-2 – Норин
Динамо– Цементчи

Қолдирилган учрашувлар:
Цементчи– Орол
Норин – Уз-Донг-Жу
Цементчи– Хоразм