Чанғи пойгаси бўйича Ванкувер–2010 қишки Олимпиадаси ғолиби, етти карра жаҳон чемпиони ва икки карра жаҳон Кубоги соҳиби норвегиялик Тереза Йохауг антидопинг қоидаларини бузгани учун икки ойга барча мусобақалардан четлатилди.
Бу ҳақда Норвегия антидопинг агентлиги матбуот хизмати маълум қилди, деб хабар бермоқда «Газета.ru».
Аввалроқ норвегиялик спортчи қуёш нурларидан сақлайдиган кремни лабига суртгани ва бунинг оқибатида унинг организмига тақиқланган модда – клостебол тушгани ҳақида хабар берилганди.
Йохаугнинг допинг можароси учун жавобгарликни Норвегия термаси шифокори Фредрик Бендиксен ўз зиммасига олган ва истеъфо берганди.
Норвегиялик чанғичининг дисквалификацияси 18 декабргача амал қилади. Йохаугнинг иши кўриб чиқилиши учун Норвегия антидопинг қўмитасига берилди.
