Ўзбекистон хоккейчилари Олмаотада бўлиб ўтган ҳаваскорлар чемпионатида олтин медалларни қўлга киритди.

15−16 октябрь кунлари Олмаота (Қозоғистон)да ҳаваскорлик жамоалари ўртасида шайбали хоккей бўйича очиқ чемпионат бўлиб ўтди. Унда Тошкентнинг «Бинокор» жамоаси ғолиб бўлди.

Ҳаваскорлик чемпионати кубоги учун учрашувларда олти жамоа: «Бинокор"дан ташқари Олмаотанинг «Беркут», «Олимп», «Скиф» ва «Енбек», шунингдек, «Капчагай» (Капчагай) қатнашди.

«Бинокор» дастлаб «Капчагай"ни 9:0 ҳисобига мағлубиятга учратди, сўнгра «Енбек» қаршилигини синдирди — 4:2, финалда эса «Скиф» 4:1 ҳисобига мағлуб этилди. Ўзбекистон жамоаси мусобақанинг энг кучли ўйинчиларидан тузилган рамзий жамоасидан ҳам кучлироқ келди ва мазкур жамоа 6:4 ҳисоби билан мағлуб этилди.