"Қизилқум” – “Бунёдкор” учрашувидан кейинги матбуот анжуманининг биринчи қисмида “қалдирғочлар” устози Сергей Лушчан қатнашди.
- Ўйин иккала жамоада ҳам ўхшади, деб ўйлайман. Чунки чиройли ва томошабоп баҳс гувоҳига айландик. Мухлислар ҳам сифатли учрашувни кузатишди деб ўйлайман. "Қизилқум" - яхши ижрочилардан ташкил топган жамоа. Ўйиндан қониқдим, аммо натижадан эмас. Чемпионликни кўзлаган жамоа бундан ҳам кучлроқ ўйин кўрсатиши керак. Мен бугунги натижадан фожеа ясамайман. Ҳали олдинда яна ўйинлар бор. Ўйлайманки, курашишга ҳали имкониятларимиз бор. Бир нарсани тушуниш керак. Ҳозирги кунда бизда ҳар уч кунда ўйин бор. Бундай тиғиз графикда юқори савияда ўйин кўрсатиш жуда мушкул. Алемпиевичда кичик жароҳат бор. Шу боис уни хизматларидан бугун фойдалана олмадик, - дейди Сергей Иванович.
