"Локомотив" 25 октябрь куни ўз майдонида Ўзбекистон Кубоги баҳслари доирасида "Бунёдкор"ни қабул қилиб, 1:0 ҳисобида ғалаба қозонди. Шу тариқа "темирйўлчилар"нинг "Бунёдкор" билан учрашувларда гол ўтказмаслик серияси бештага етди.
"Локомотив" ўтган йил олий лигада бу рақибини иккала ўйинда ҳам мағлуб этганди: уйда 3:0 ва сафарда 1:0. Шунингдек, бу мавсум биринчи даврада 0:0 ҳисоби қайд этилди.
2014 йил ўтказилган Ўзбекистон Кубоги финалида эса "Локомотив" 1:0 ҳисобида зафар қучган. Шундан бери "темирйўлчилар" хоҳ олий лига, хоҳ Кубок баҳслари бўлсин "Бунёдкор"дан гол ўтказишмаяпти.
