«Ливерпуль» ва «Арсенал» клубларида ўйнаган, кейинчалик Сингапурда тўп сурган Жермейн Пеннант ушбу мамлакат лигасининг савияси ҳақида гапирди.

«Сингапур лигасида ким ўйнаганини аҳамияти йўқ. Сиз у ерга Мессини олиб келишингиз мумкин, албатта бундан сўнг мухлислар сони ошади. Бироқ пулсиз ва муваффақиятли бошқарувсиз лигани ривожлантириб бўлмайди. У ўсмайди ва ривожланмайди.

Агар раҳбарият ҳеч нарса қилмаса, футбол ривожланмасдан қолиб кетаверади» - деди Пеннант.

Яқинда Пеннант Сингапурнинг «Тампинс Роверс» клуби билан тузган шартномасини бекор қилди. Унинг ойлик маоши 14000 $ эди.